Feruza Yusupova qiz farzand dunyoga keltirdi
O‘zbek kino olamida yosh va iqtidorli aktrisa sifatida tanilgan Feruza Yusupova muxlislariga quvonchli xabar berdi. Bu haqda Zamin.uz xabar berdi.
U 21 sentyabr kuni qiz farzand dunyoga keltirganini o‘zining Instagram sahifasida ma’lum qildi. Aktrisa postida “Maashalloh.
21.09.25. Ota-onangiz bag‘riga xush kelibsiz, qizalog‘im...” deb yozdi.
Shuningdek, u “Men sovg‘amni topshirdim” degan so‘zlar bilan bu baxtli voqeani samimiy tarzda baham ko‘rdi. Qiziq jihati shundaki, Feruza farzandini turmush o‘rtog‘ining tug‘ilgan kunida dunyoga keltirdi.
Bu oilada ikki karra bayram nishonlanishiga sabab bo‘ldi. Feruza Yusupova o‘zining ijodiy faoliyati davomida bir qator kinolarda ishtirok etib, aktyorlik mahorati bilan keng omma e’tiborini qozongan.
Endi esa u ona sifatida yangi, baxtli hayot sahifasini ochmoqda. Ijtimoiy tarmoqlarda muxlislar aktrisani samimiy qutlab, unga va oilasiga tinchlik, sog‘lik va baxt tilamoqda.
Feruza Yusupovaning bu baxtli yangiligi kino ishqibozlari orasida katta quvonch bilan qabul qilindi. Unga yangi hayotida muvaffaqiyatlar va oilaviy baxt tilaymiz.
