Mashhur qo‘shiqchi va aktrisa Selena Gomes hamda taniqli kompozitor va saundprodyuser Benni Blanko Kaliforniyada to‘y marosimini o‘tkazishdi. Bu haqda Zamin.uz xabar berdi.
Ularning to‘yidan olingan suratlar xonanda tomonidan taqiqlangan ijtimoiy tarmoq orqali ommaga namoyish qilindi. Ushbu voqea haqida Peopletalk nashri xabar berdi.
33 yoshli Selena va 37 yoshli Benni ikki yillik munosabatdan so‘ng hayotlarini rasmiy ravishda birlashtirishga qaror qildilar. To‘y kiyimlari uchun mashhur Ralph Lauren brendi tanlandi.
Selenaning libosi gullar bilan bezatilgan bo‘lib, orqa qismi ochiq va tasmali dizaynga ega edi. Benni esa qora smoking va kapalak shaklidagi galstukda marosimga qatnashdi.
Tarqalgan suratlarda juftlik bir-birini quchoqlab, qo‘l ushlashgan holda kulayotgan holatda tasvirlangan. Ba’zi kadrda Selenaning oq guldastasi ko‘zga tashlanar ekan, boshqalarida esa nikoh uzuklari yaqin planda ko‘rinadi.
Ularning ishqiy munosabati 2023 yil oxirida ommaga ma’lum bo‘lgan. Keyinchalik ma’lum bo‘lishicha, sevgi izhorini birinchi bo‘lib Selena qilgan.
2024 yil yanvaridan boshlab juftlik ommaviy tadbirlarda birga ko‘rinib, qo‘l ushlashgan holda qatnashishni boshladi. Bu esa ularning munosabatlari jiddiyligini ko‘rsatadi.
