Feruza Normatova mahr uchun 100 ta Qur’on so‘radi
Taniqli aktrisa Feruza Normatova yaqinda xorazmlik 23 yoshli MMA jangchisi Olloyor Abdushukurov bilan turmush qurgani haqida xabar tarqalib, keng muhokamalarga sabab bo‘ldi. Bu haqda Zamin.uz xabar berdi.
Aktrisa o‘zining Instagram sahifasida obunachilarining savollariga javob berar ekan, turmush o‘rtog‘idan mahr sifatida nimani so‘ragani haqida ham ma’lumot berdi. Feruza Normatovaning so‘zlariga ko‘ra, u mahr uchun 100 ta Qur’on kitobini so‘ragan.
U buni o‘zining shaxsiy mulki ekanini ta’kidlab, ularni qanday maqsadda foydalanishi sir bo‘lib qolishini aytgan. Aktrisaning aytishicha, turmush o‘rtog‘i bu talabni eshitib, hayratga tushgan va shu bilan birga, xursand bo‘lgan.
"Allohdan tilagim, nikohimiz ikki dunyoda ham xayrli bo‘lsin", — deya qo‘shimcha qildi Feruza Normatova samimiyat bilan.
