Farruh Fazel "Yo‘q" qo‘shig‘i premyerasini taqdim etdi
Xonanda Farruh Fazel muxlislariga yangi sovg‘a tayyorladi. Bu haqda Zamin.uz xabar berdi.
U "Yo‘q" nomli qo‘shig‘ining premyerasini e’lon qildi. Bu haqda ijtimoiy tarmoqlarda xabar berildi.
Mazkur qo‘shiq ayriliq, sog‘inch va yurak iztiroblari haqidagi mavzularni o‘zida mujassam etgan. Farruh Fazelning so‘zlariga ko‘ra, "Yo‘q" insonni chuqur o‘ylantirish bilan birga, unda umid uyg‘otadigan tarona sifatida yaratilgan.
Hozircha qo‘shiqning faqat audio versiyasi YouTube va boshqa musiqiy platformalarda taqdim etilgan. Qo‘shiqning matni va musiqasi Mirjahon Tojimuratov tomonidan yozilgan bo‘lsa, aranjirovkani Jasur Badalbayev amalga oshirgan.
Eslatib o‘tamiz, Farruh Fazelning avvalgi "Bor" nomli qo‘shig‘i musiqiy chartlarda yuqori o‘rinlarni egallagan edi. "Yo‘q" esa ushbu muvaffaqiyatning mantiqiy davomi sifatida baholanmoqda.
Unda xonandaning ovozi yanada yetuklashgan, his-tuyg‘ular esa chuqurroq ifoda etilgan.
