1609 yilgi ispan oltin tangasi 3,49 mln dollarga sotildi
1609 yilda zarb qilingan ispan oltin tangasi Jeneva shahrida o‘tkazilgan Numismatica Genevensis SA kimoshdi savdosida 3,49 million dollarga sotildi. Bu haqda Zamin.uz xabar berdi.
Bu haqda "Reuters" axborot agentligi xabar berdi. 339 grammlik ushbu tanga Ispaniyaning Segoviya shahrida, qirol Filipp III hukmronligi davrida ishlab chiqarilgan.
Tangani Yangi dunyodan olib kelingan oltindan zarb qilishgan. 1609 yilda qirol Filipp III uchun tayyorlangan bu yirik oltin tanga o‘z davrida qirollik boyligi va hokimiyatining ramzi hisoblangan.
Auksion uyi asoschisi Alen Baronning ta’kidlashicha, tanganing qiymatini o‘sha davrdagi oddiy kishining ko‘p yillik mehnat haqi bilan qiyoslash mumkin edi. Bu tanga bir necha asr davomida bedarak bo‘lgan.
Taxminan 1950-yillarda u AQSHga yetib borib, u yerda Nyu-Yorklik kolleksioner tomonidan sotib olingan. Keyinchalik u ispan xaridorga sotilgan va yana kim oshdi savdosida shaxsi noma’lum kolleksionerga o‘tgan.
Ushbu tarixiy tanga endilikda Yevropadagi eng qimmat tangalardan biri sifatida e’tirof etilmoqda.
