Kasparov Sindarov imkoniyatlarini baholadi Gukesh afzalligi aytiladi
Shaxmat olamida yilning eng muhim voqeasi — jahon chempioni unvoni uchun Jenevada kechadigan to'qnashuvga hozirliklar yakunlanmoqda. Bu haqda One.uz xabar beradi.
O'zbekistonlik grossmeyster Javohir Sindarov amaldagi jahon chempioni Gukesh Dommaraju bilan kuch o'lchashadi. Afsonaviy chempion Garri Kasparov o'z tahlilida Sindarovning yorqin va hujumkor uslubini e'tirof etgan bo'lsa-da, katta bahslardagi tajriba omili tufayli Gukeshning imkoniyatlarini biroz yuqoriroq baholadi.
Kasparov hindistonlik shaxmatchini kortning orqa chizig'idan ishonchli o'ynaydigan tennischiga qiyoslab, unga biroz ko'proq imkoniyat berishini aytdi. Shu bilan birga, u Sindarov dastlabki partiyalarda hisobda oldinga chiqib olsa, vaziyat o'zbek shaxmatchisi foydasiga o'zgarishi mumkinligini eslatdi.
To'qnashuv grafigi va shartlari Musobaqa 22 noyabr kuni rasmiy ochilish bilan boshlanib, 24 noyabr kuni birinchi klassik partiyadan boshlanadi. Jami 14 ta klassik partiya o'tkaziladi.
Agar natija 7:7 ga teng bo'lsa, g'olib 12 dekabr kuni o'tkaziladigan tezkor tay-breklarda aniqlanadi. Bu uchrashuv shaxmat tarixidagi eng yosh va qiziqarli chempionlik janglaridan biri bo'lishi kutilmoqda.
Javohir Sindarov uchun bu nafaqat shaxsiy karyera, balki o'zbek shaxmati uchun yangi tarixiy sahifa ochish imkoniyati. Manba: One.uz
