Munisa Rizayeva eriga oid mish-mishlarga javob berdi

O‘zbekistonlik mashhur xonanda Munisa Rizayeva o‘zining turmush o‘rtog‘i haqidagi mish-mishlarga aniqlik kiritdi. Bu haqda Zamin.uz xabar berdi.

U erining haqiqiyligiga shubha bildirayotganlarga Instagram sahifasi orqali javob berdi. Xonandaning so‘zlariga ko‘ra, ko‘pchilik uning erini "soxta" deb hisoblaydi, biroq bu noto‘g‘ri.

Munisaning aytishicha, turmush o‘rtog‘i ish yuzasidan band bo‘lib, ko‘p vaqtini telefonda o‘tkazadi. "Erim ertalabdan kechgacha telefonda ishlaydi, chunki uning ishi shunday," deya izoh berdi xonanda.

Shuningdek, Dubayga sayohati davomida ular alohida yo‘nalishda borganini ham ta’kidladi. Munisa bu holatni shunday izohladi: "Erim yuklarni oldi va ishlarini davom ettirdi, men esa bolam bilan boshqa ishlarni hal qildim." Xonanda Instagramdagi bir izohga ham javob berdi.

Bir foydalanuvchi uning erini "soxta" deb atab, faqat oldida olib yurishini ta’kidlagan. Munisa bu fikrni qat’iy rad etib, "Erim haqiqiy, faqat uning ishlari shunday," deya javob yozdi.

Munisa Rizayeva ushbu masalada o‘z nuqtai nazarini ochiq ifoda qilib, turli mish-mishlarni rad etdi.