Husnora Shodiyeva “Ketaman” qo‘shig‘ini taqdim etdi
Bloger va qo‘shiqchi Husnora Shodiyeva o‘zining yangi qo‘shig‘i “Ketaman”ni ommaga taqdim etdi. Bu haqda Zamin.uz xabar berdi.
Ushbu taronaning musiqasi va matni Shaxboz Nosirjonov tomonidan yozilgan. Ijodkorning fikricha, “ketish” inson hayotidagi eng og‘ir va qiyin qarorlardan biridir.
“Ketaman” oddiy musiqiy asar emas, balki unda inson qalbida o‘chgan orzular, ortda qolgan xotiralar va noma’lum tomonga qadam tashlash kabi murakkab holatlar tasvirlangan. Qo‘shiq hayotdagi murakkab lahzalarni, ya’ni “ketaman” deyishga majbur bo‘lgan paytlarni aks ettiradi.
Bu bir so‘z ortida katta dard, mas’uliyat va iroda yotishi har bir insonga tanish. Mazkur qo‘shiq tinglovchilar tomonidan iliq kutib olinmoqda.
U inson qalbiga yaqin bo‘lgan hissiyotlarni jonli tarzda yetkazib berishi bilan e’tiborni tortmoqda. “Ketaman” qo‘shig‘i har bir tinglovchining yuragiga yetib borib, unda chuqur ta’sir qoldirishi kutilmoqda.
