Manzura: “Ulug‘bek Qodirov bilan yana filmda ishlashni xohlayman”

Xonanda Manzura bilan suhbat davomida unga jurnalist tomonidan: “Agar yana kinoga qaytsangiz, kim bilan birga rol ijro etishni xohlardingiz?” degan savol berildi. Bu haqda Zamin.uz xabar berdi.

Manzura bu savolga hech ikkilanmasdan: “Ulug‘bek Qodirov bilan,” deya javob berdi. Xonanda o‘z fikrini davom ettirar ekan, ilgari “Sevginator” filmida Ulug‘bek Qodirov bilan birga suratga tushganini eslab o‘tdi.

U filmni suratga olish jarayonida turli qiyinchiliklar bo‘lganini, aynan shunday paytlarda Ulug‘bek Qodirov unga katta yordam ko‘rsatganini aytib o‘tdi. Manzuraning so‘zlariga ko‘ra, Ulug‘bek Qodirov nafaqat professional aktyor, balki insoniy fazilatlari bilan ham ajralib turadi.

Manzura Ulug‘bek Qodirovni chuqur hurmat qilishini ta’kidlab, uning oilasiga bo‘lgan mehrini alohida qayd etdi. “U o‘z oilasini, turmush o‘rtog‘ini va farzandlarini juda yaxshi ko‘radi.

Aynan shu fazilatlari tufayli men uni inson sifatida ham yuqori qadrlayman,” — dedi xonanda.