Aysanemning ilk qo‘shig‘i tinglovchilarni hayratda qoldirdi
Aktrisa Aysanem o‘zining ilk qo‘shig‘ini muhlislar e’tiboriga taqdim etdi. Bu haqda Zamin.uz xabar berdi.
Uning debyut taronasi 3-yanvar kuni soat 22:00 da YouTube platformasida premyera qilindi. “Sevgilim” deb nomlangan ushbu qo‘shiq qisqa vaqt ichida tinglovchilar tomonidan iliq kutib olindi.
Qo‘shiqning premyerasidan atigi ikki kun o‘tgan bo‘lsa-da, uni qariyb 2 ming kishi tinglab ulgurgan. Shuningdek, YouTube’dagi izohlar bo‘limida 100 ga yaqin iliq va samimiy fikrlar qoldirilgan.
Bu esa Aysanemning musiqiy faoliyatdagi ilk qadamiga bo‘lgan qiziqish va e’tibor yuqori ekanini ko‘rsatadi. Hozircha ushbu qo‘shiq uchun videoklip suratga olinmagan, lekin muhlislar kelgusida klip ham tayyorlanishi mumkinligiga umid bildirmoqda.
Bu Aysanemning ijodiy faoliyatidagi yangi bosqich bo‘lib, uning san’at sohasidagi izlanishlari davom etishini kutish mumkin.
