Munisa Rizayevaning turmush o‘rtog‘i Dubayda kasalxonaga yotqizildi
Xonanda Munisa Rizayeva turmush o‘rtog‘i Arseniy Dubay shahrida kutilmaganda kasalxonaga yotqizilgani haqida ijtimoiy tarmoqlar orqali ma’lum qildi. Bu haqda Zamin.uz xabar berdi.
U Instagram sahifasida ushbu voqea haqida quyidagicha yozgan: “Turmush o‘rtog‘im kasalxonaga tushib qoldi. Uyqu yo‘q, yonlarida o‘tiribman.
Juda qo‘rqinchli holat, bunday narsani hech kutmagandim, ayniqsa boshqa mamlakatda. Yaratgandan so‘rayman, barchaga sog‘lik bersin.” Ushbu xabar e’lon qilingach, xonandaning muxlislari turmush o‘rtog‘ining tezroq sog‘ayib ketishini tilab, Munisaga ko‘plab qo‘llab-quvvatlov izohlarini yozib qoldirishdi.
Ularning barchasi xonanda va uning oilasiga sabr va kuch tilamoqda. Munisa Rizayeva hozirda turmush o‘rtog‘ining yonida ekanini bildirib, barcha izohlar uchun minnatdorligini izhor qilgan.
