Feruza Jumaniyozova Xorazmdagi chiqish narxlarini izohladi
Xonanda Feruza Jumaniyozova yaqinda “Intervyu TV” ko‘rsatuvida ishtirok etib, Xorazmdagi chiqish narxlari borasida tarqalgan mish-mishlarga oydinlik kiritdi. Bu haqda Zamin.uz xabar berdi.
Suhbat davomida boshlovchi xonandaga: “Xorazmda birrovlik chiqishingiz 5 ming dollar ekanligi rostmi?” deya savol berdi. Feruza Jumaniyozova bu savolga tasdiq berib, “Ha, albatta, shunaqa,” deya javob qaytardi.
Shundan so‘ng boshlovchi yana savol berdi: “Birrovingiz Toshkentdagidek bo‘ladimi, ya’ni 4–5 ta qo‘shiq aytib ketasizmi?” Xonanda bu savolga javoban, Xorazmda chiqishlar boshqacha bo‘lishini ta’kidlab, quyidagilarni aytdi: “Xorazmda chiqishlarimiz 1 soatdan 1,5 soatgacha davom etadi. Bu yerda san’atkorlarni boshqacha e’zozlashadi va hurmat qilishadi.
To‘ylarning talabi ham ancha og‘ir. Toshkentdagidek 4–5 qo‘shiqni fonogramma bilan aytib ketish qabul qilinmaydi.
Xorazmda jonli ijro talab qilinadi, shuning uchun narx ham shunga mos belgilanadi.” Shuningdek, Feruza Jumaniyozova narx masalasida qat’iy belgilangan miqdor yo‘qligini ham ta’kidladi: “Aytilayotgan narx taxminiy, xolos. Kelishamiz, sharoitga qarab harakat qilamiz.
Men hech kimga aniq miqdor aytmaganman. Sharoitga qarab 2 ming yoki 1 ming dollar bo‘lsa ham chiqaveraman.
Xalqni o‘ylab, ularga moslashishga harakat qilaman,” dedi xonanda.
