Ozarbayjonlik xonanda Jony 30 yoshini nishonlamoqda
Mashhur ozarbayjonlik xonanda Jony bugun o‘zining tug‘ilgan kunini nishonlamoqda. Bu haqda Zamin.uz xabar berdi.
San’atkor ijtimoiy tarmoqlardagi sahifalarida 30 yoshga to‘lganini e’lon qilib, muxlislari bilan maxsus videolarni bo‘lishdi. Jony qisqa vaqt ichida rus qo‘shiqchisi va qo‘shiqlar muallifi sifatida keng auditoriya e’tiborini qozondi.
Uning samimiy ijrosi va zamonaviy uslubdagi qo‘shiqlari ko‘plab tinglovchilar qalbini zabt etgan. Xonandaning ijodi nafaqat Ozarbayjon va Rossiyada, balki boshqa mamlakatlarda ham mashhur bo‘lib bormoqda.
Turli davlatlarda konsert dasturlari bilan chiqish qilayotgan Jony millionlab muxlislar e’tirofiga sazovor bo‘lmoqda. 30 yoshni qarshi olgan san’atkorning yangi loyihalari va ijodiy rejalari muxlislar orasida katta qiziqish uyg‘otmoqda.
Uning tug‘ilgan kuni munosabati bilan ijtimoiy tarmoqlarda samimiy tilaklar va tabriklar yog‘ilmoqda.
