Ravshan Komilov qimmat kostyumini ijaraga bermaydi
Xonanda Ravshan Komilov Italiyadan xarid qilgan qimmat kostyumi haqida intervyuda so‘zlab berdi. Bu haqda Zamin.uz xabar berdi.
Unga ko‘ra, bu kostyumni "Oq bilagoyim Toshkentlik" qo‘shig‘i klipida ko‘rish mumkin. San’atkorning aytishicha, kostyumni chet el safarida olgan va uning narxi ancha baland bo‘lgan.
"Italiyada xarid qilganman, juda qimmat edi, hatto bir yevro ham arzonlashtirilmagan," dedi u. Klip efirga chiqqach, ko‘plab san’atkorlar kostyumni ijaraga olishni so‘rashgan, ammo Ravshan Komilov bunga rozi bo‘lmagan.
"Bitta-ku, juda qimmat. Men ijaraga bermaganman," deydi xonanda.
Unga ko‘ra, bunday holatlar hayotida ko‘p uchraydi. Hatto bir tadbir oldidan ham kostyumini so‘rashganida, u avval o‘zi sahnaga chiqishini aytgan.
Chunki boshqa birov uning libosida birinchi bo‘lib chiqsa, keyin u o‘zi kiysa, odamlar turlicha o‘ylab qolishi mumkinligini bildirgan. "Avval men chiqib olay sahnaga, keyin deganman.
Chunki u birinchi mening kostyumimni kiyib chiqsa, keyin men kiysam odamlar nima deb o‘ylashadi?" deya izoh berdi xonanda.
