Zebo Rahimova sovchilar va turmush haqida so‘z yuritdi
Bloger Zebo Rahimova bir intervyusida shaxsiy hayoti va turmush qurishga oid fikrlari bilan bo‘lishdi. Bu haqda Zamin.uz xabar berdi.
Unga ko‘ra, birinchi sovchilar 12 yoshida kelgan ekan. Zebo 18 yoshida ham bir yigit tomonidan sovchi qo‘yilganini eslab, yigitning oilasi yaxshi taassurot qoldirganini, lekin yigitning o‘zi kutganidek chiqmaganini aytdi.
U yigit haqida "Bizga umuman to‘g‘ri kelmaydigan inson ekan", deydi. Shu voqeadan so‘ng ota-onasi o‘zlarini aybdor his qilgan va avvalgi rejalari bo‘yicha turmush o‘rtog‘ini o‘zlari tanlashni istashganini bildirgan.
Zeboning aytishicha, o‘sha paytda unga "kimni munosib deb topsak, shunga turmushga chiqasan" deyishgan. U esa bu fikrga qarshi chiqmagan, chunki sevib qolishni tasavvur qilmagan.
Keyinchalik ota-onasi qarorni o‘ziga qoldirgan. "Qanday yigit bo‘lishi kerak?" degan savolga Zebo aniq reja qilmaganini, lekin unga kerakli fazilatlar bo‘lsa, o‘sha inson bilan turmush qurishi mumkinligini aytdi.
Shuningdek, bloger tanlangan insonni albatta yaxshi ko‘rish kerakligini ta’kidladi. Uning fikricha, munosabatlarda mehr va o‘zaro tushunish eng muhim omil hisoblanadi.
