Jony 30 yoshga to‘lib, muxlislar bilan bo‘lishdi
Ozarbayjonlik taniqli xonanda Jony bugun 30 yoshga to‘ldi. Bu haqda Zamin.uz xabar berdi.
San’atkor ijtimoiy tarmoqlardagi sahifalarida bu quvonchli voqeani muxlislari bilan baham ko‘rdi va maxsus videolarni taqdim etdi. Jony qisqa vaqt ichida rus tilida ijro etiladigan qo‘shiqlari bilan keng e’tibor qozondi.
Uning samimiy va zamonaviy uslubdagi ijrosi ko‘plab tinglovchilar qalbidan chuqur o‘rin oldi. Xonandaning ijodi nafaqat Ozarbayjon va Rossiyada, balki boshqa mamlakatlarda ham mashhurlikka erishgan.
U turli davlatlarda konsertlar o‘tkazib, millionlab muxlislarning e’tirofiga sazovor bo‘ldi. 30 yoshni qarshi olgan san’atkorning yangi loyihalari va ijodiy rejalariga doir ma’lumotlar muxlislar orasida katta qiziqish uyg‘otmoqda.
Tavallud ayyomi munosabati bilan ijtimoiy tarmoqlarda uning nomiga samimiy tilaklar va tabriklar ko‘plab bildirilmoqda. Jony o‘zining ijodi bilan kelajakda ham muxlislarini xursand qilish niyatida.
