O‘zbekistonda Zoomlion brendiga mansub traktorlar ishlab chiqarish boshlandi. Bu haqida Zamin.uz xabar berdi.
Kursiv.media saytining xabar berishicha, avgust oyida Zoomlion RS 1604 modeli yig‘ilib chiqarildi. Yil oxirigacha yana ikki model — Zoomlion RC 804 (80 ot kuchiga ega) va Zoomlion RG 2004 (200 ot kuchiga ega) ishlab chiqarilishi rejalashtirilgan.
Ushbu traktorlarning samaradorligi mamlakatning turli hududlarida sinovdan o‘tkazilib, yaxshi natijalar ko‘rsatdi. Qishloq xo‘jaligi texnikasini ishlab chiqarish bo‘yicha kelishuv Xitoyning Zoomlion Agriculture Machinery Co., Ltd.
kompaniyasi bilan mahalliy Oxus Machinery Group o‘rtasida imzolangan. Traktorlar Profmetservice korxonasida yig‘ilmoqda.
Zoomlion kompaniyasi qurilish, qishloq xo‘jaligi, yuk ko‘tarish, sanitariya va yong‘in texnikasi hamda yuk mashinalari ishlab chiqaruvchi yirik xitoylik korxona hisoblanadi. Manba: Kursiv.media.
