Eng kuchli magnit bo‘roni nihoyasiga yetdi
So‘nggi ikki oy ichida yuzaga kelgan eng kuchli magnit bo‘roni nihoyasiga yetdi. Bu haqida Zamin.uz xabar berdi.
Bu tabiiy hodisa 30 soatdan ortiq davom etdi va G2.0 darajasiga ko‘tarildi. Ushbu ko‘rsatkich joriy yilning 13-14 iyun kunlarida kuzatilgan so‘nggi kuchli bo‘rondan keyingi eng yuqori daraja hisoblanadi.
Shuningdek, Quyosh shamolining tezligi 50 foizga oshgan holda davom etmoqda. Bu esa haroratda keskin o‘zgarishlar yuzaga kelish xavfini kelasi hafta o‘rtasigacha saqlab turadi.
Tadqiqotchilar ta’kidlaganidek, bunday magnit faollik noqulay meteosharoitga sezgir insonlarning sog‘lig‘iga salbiy ta’sir ko‘rsatishi mumkin. Agar so‘nggi kunlarda bosh og‘rig‘i, charchoq, uyqusizlik yoki asabiylik kuzatilgan bo‘lsa, bular magnit faolligi bilan bog‘liq bo‘lishi ehtimoldan holi emas.
Bo‘ron tugagan bo‘lsa-da, uning fiziologik ta’sirlari hali bir necha kun davom etishi mumkin. Manba: zamin.uz
