Iordoniya podshohi Samarqanddagi Boqiy shaharni ziyorat qildi

Iordaniya podshohi Abdulla II ibn Al-Husayn Samarqand xalqaro turizm markazidagi "Boqiy shahar" tarixiy-etnografik majmuasini prezident Shavkat Mirziyoyev bilan birga ziyorat qildi. Bu haqida Zamin.uz xabar berdi.

Ushbu majmua xalqimizning boy madaniy merosi, hunarmandchiligi va amaliy san’ati namoyish etilgan ko‘rgazmalarni o‘z ichiga oladi. Mehmonlar raqs jamoalarining chiqishlarini ham tomosha qildi.

"Boqiy shahar" majmuasida buyuk o‘tmishimizning ramzlari jamlangan, shuningdek, tarixiy shaharlarimizdagi diqqatga sazovor joylarning nusxalari yaratilgan. Bu yerda milliy an’analarimiz bilan birga do‘st xalqlar bilan aloqalar tarixi ham aks ettirilgan.

Mazkur tarixiy va madaniy ma’no-mazmun mehmonlarda chuqur taassurot qoldirdi. Shuningdek, O‘zbekiston va Iordaniya o‘rtasida bo‘lib o‘tadigan oliy darajadagi muzokaralar 26 avgust kuni rejalashtirilgan sammit doirasida amalga oshiriladi.

Ushbu tadbirlar ikki davlat o‘rtasidagi hamkorlikni yanada mustahkamlashga xizmat qiladi. Ma’lumot manbai: zamin.uz