Bugun, 1 sentyabr kuni Toshkent shahrida ayrim yo‘llar vaqtincha yopiladi. Bu haqida Zamin.uz xabar berdi.
Bu haqda shahar Yo‘l harakati xavfsizligi boshqarmasi ma’lumot berdi. O‘zbekiston davlat mustaqilligining 34 yilligi munosabati bilan “Yangi O‘zbekiston” bog‘ida katta bayram tadbiri o‘tkazilishi rejalashtirilgan.
Shu sababli, shaharning bir necha markaziy yo‘llarida harakat vaqtincha cheklanadi. Xususan, Mahtumquli-Ohangaron shoh ko‘chasidan Yangi O‘zbekiston – 4P12 yo‘li chorrahasigacha, Cho‘lpon ko‘chasidan Yangi O‘zbekiston-Milliy bog‘ ko‘chalari kesishmasigacha va Yangi O‘zbekiston-Temirchi ko‘chalari chorrahasigacha bo‘lgan yo‘l qatnovi soat 17:00 dan 23:00 gacha yopiq bo‘ladi.
Huquq-tartibot organlari aholi va poytaxt mehmonlaridan vaqtinchalik noqulayliklar uchun uzr so‘raydi hamda harakatlanishda yondosh va aylanma yo‘llardan foydalanishni tavsiya qiladi. Bayram tadbirlari xavfsizligini ta’minlash va umumiy tartibni saqlash maqsadida poytaxt yo‘llarida vaqtinchalik cheklovlar joriy etilmoqda.
Mutaxassislar haydovchilardan oldindan harakat yo‘nalishini rejalashtirish hamda ehtiyotkorlik bilan yo‘lga chiqishni so‘raydi. Batafsil ma’lumotni shahar Yo‘l harakati xavfsizligi boshqarmasining rasmiy manbalaridan olish mumkin (zamin.uz).
