Sud-ekspertiza tizimida yangi tartib va texnologiyalar joriy etiladi

Oʻzbekiston 19:38, 8-09-2025

Prezident tomonidan sud-ekspertlik faoliyatini yanada takomillashtirish va sohada zamonaviy texnologiyalarni keng joriy etish chora-tadbirlari to‘g‘risida qaror qabul qilindi. Bu haqida Zamin.uz xabar berdi.

Ushbu qaror sud-ekspertiza tizimida muhim yangiliklarni amalga oshirishni nazarda tutadi. Qarorga muvofiq, nodavlat sud-ekspertiza tashkilotlari ixtiyoriy a’zoligiga asoslangan holda O‘zbekiston sud ekspertlari palatasi tashkil etiladi.

Bu tuzilma soha mutaxassislarini birlashtirish va ularning kasbiy obro‘sini oshirishga qaratilgan. Shuningdek, nodavlat sud ekspertlarining bilim va amaliy tayyorgarlik darajasini baholash hamda ularning noqonuniy harakatlari bilan bog‘liq holatlarni adolatli ko‘rib chiqish maqsadida Adliya vazirligi huzurida Ekspert-malaka komissiyasi faoliyati yo‘lga qo‘yiladi.

Yangi tartiblarga ko‘ra, 2025-yil 1-noyabrdan boshlab ma’muriy huquqbuzarlik ishlarida advokat so‘rovi asosida shartnoma orqali sud-ekspertiza tashkilotlarida ekspertiza o‘tkazish tizimi joriy etiladi. Bundan tashqari, 2025-yil 1-dekabrdan nodavlat sud ekspertlariga yakka tartibda sud-ekspertlik byurosini tashkil etish huquqi beriladi.

2025-yil 15-dekabrdan fuqarolar X.Sulaymonova nomidagi Respublika sud ekspertizasi markaziga «Sud-ekspert» portali orqali onlayn murojaat qilib, ekspertiza tadqiqotlarini o‘tkazish imkoniyatiga ega bo‘ladilar. Eng muhim yangiliklardan biri sifatida 2026-yil 1-yanvardan Respublika sud ekspertizasi markazi ekspertlari obyektlarni ko‘zdan kechirish jarayonida majburiy ravishda bodikamera (mobil videokamera)dan foydalanish tartibi joriy etiladi.

Ushbu islohotlar sud-ekspertiza sohasida shaffoflikni ta’minlash, fuqarolarning huquqlarini mustahkam himoya qilish hamda xizmat sifatini yangi bosqichga olib chiqishga xizmat qiladi. Manba: zamin.uz

O‘zbekiston Zamin Prezident Adliya X.sulaymonova

Nodirbek Razzokov

Muxbir

O‘xshash yangiliklar

Turoperatorlarga subsidiya va xorijiy blogerlarga bepul turpaket beriladi

Yig‘ilishda mahalliy turoperatorlar uchun bir qator muhim yangiliklar e’lon qilindi. Bu haqda Zamin.uz xabar berdi. Xususan, 1 apreldan boshlab turoperatorlarga uch oy davomida har 1 ming xorijiy

Oʻzbekiston Kecha, 23:57

Toshkentda jinoyatlarni yashirish holatlari keng tekshirildi

Toshkent shahrida 2025 yil davomida jinoyatlarni yashirish holatlarini aniqlash maqsadida keng qamrovli tekshiruvlar o‘tkazildi. Bu haqda Zamin.uz xabar berdi. Ushbu tekshiruvlar natijasida ichki

Oʻzbekiston Kecha, 23:26

Davlat granti bitiruvchilari uch yillik majburiyatdan ozod qilinishi mumkin

O‘zbekistonda davlat granti asosida ta’lim olgan talabalar uchun joriy etilgan majburiy mehnat tartibi qayta ko‘rib chiqilishi mumkin. Bu haqda Zamin.uz xabar berdi. Xususan, oliy ta’lim

Oʻzbekiston Kecha, 22:57

Ramazon hayiti kuni Toshkentda transport erta ish boshlaydi

2026 yil 20 mart, juma kuni Ramazon hayiti munosabati bilan Toshkent shahrida jamoat transporti odatdagidan bir soat oldin, ya’ni soat 04:00 da ish boshlaydi. Bu haqda Zamin.uz xabar berdi. Bu haqda

Oʻzbekiston Kecha, 22:18

O‘zbekiston maktab o‘quvchilari uchun bahorgi ta’til sanasi e’lon qilindi

O‘zbekiston maktab o‘quvchilari uchun bahorgi ta’til sanasi aniqlandi. Bu haqda Zamin.uz xabar berdi. Bu yil ta’til Ramazon Hayit bayrami munosabati bilan 20 martdan boshlanadi. Maktabgacha va

Oʻzbekiston Kecha, 21:45

Uzbekistan Airways Toshkent Dubay reyslarini qayta tiklaydi

Uzbekistan Airways aviakompaniyasi Toshkent va Dubay o‘rtasidagi muntazam reyslarni qayta tiklashini rasmiy ravishda ma’lum qildi. Bu haqda Zamin.uz xabar berdi. Birlashgan Arab Amirliklari

Oʻzbekiston Kecha, 21:43