O‘zbekistonda roziliksiz suratga olish taqiqlanadi
O‘zbekistonda insonlarni ularning roziligisiz foto va video tasvirga olish taqiqlanishi mumkin. Bu haqida Zamin.uz xabar berdi.
Bu haqda Kursiv.media xabar berdi. 8-sentabr kuni Qonunchilik palatasida partiya fraksiyalari mazkur qonun loyihasini muhokama qildi.
Loyiha bo‘yicha inson tasviri faqat uning roziligi bilan ishlatilishi mumkin. Agar shaxs huquqiy layoqatga ega bo‘lmasa, uning vakili rozilik beradi.
16 yoshgacha bo‘lgan bolalar uchun rozilikni ota-onalar yoki vasiylar beradi, 16 yosh va undan katta bo‘lsa, qarorni o‘smirning o‘zi qabul qiladi. Shuningdek, qonun loyihasida binolar va inshootlarda videokuzatuv olib borilayotgani haqida ogohlantiruvchi belgilarni o‘rnatish majburiy etiladi.
Roziliksiz suratga olish mumkin bo‘lgan holatlar ro‘yxati ham aniqlashtiriladi. Fraksiyalar muhokamasidan so‘ng loyiha birinchi o‘qishga qo‘yiladi va keyinchalik Senat hamda Prezident imzosiga yuboriladi.
Manba: Kursiv.media.
