Markaziy Osiyo rahbarlari tinchlik mukofotiga sazovor bo‘ldi
Moskva shahrida buyuk yozuvchi va faylasuf Lev Tolstoy tavallud topgan kun munosabati bilan tantanali marosim o‘tkazildi. Bu haqida Zamin.uz xabar berdi.
Ushbu tadbirda 2025 yilgi L.N. Tolstoy nomidagi ikkinchi xalqaro tinchlik mukofoti g‘oliblari e’lon qilindi.
Ovoz berish natijalariga ko‘ra, Qirg‘iziston Respublikasi Prezidenti Sadir Japarov, Tojikiston Respublikasi Prezidenti Imomali Rahmon hamda O‘zbekiston Respublikasi Prezidenti Shavkat Mirziyoyev ushbu nufuzli mukofotga sazovor bo‘ldilar. Hakamlar hay’ati raisi, Mariynskiy teatrining badiiy rahbari va bosh direktori, shuningdek Moskva katta teatrining rahbari Valeriy Gergiyev bu qarorning bir ovozdan qabul qilinganini ta’kidladi.
Tashkiliy qo‘mita ma’lumotiga ko‘ra, davlat rahbarlari Markaziy Osiyo mintaqasida tinchlik va xavfsizlikni mustahkamlash yo‘lida olib borgan shaxsiy tashabbuslari hamda amaliy sa’y-harakatlari uchun mukofotga munosib deb topildi. Ayniqsa, 2025 yil 31 mart kuni O‘zbekiston, Tojikiston va Qirg‘iziston o‘rtasida chegaraga oid shartnoma imzolanib, uzoq yillar davomida hal etilmagan masalaga huquqiy nuqta qo‘yildi.
Bu kelishuv nafaqat umumiy chegaralarni aniq belgilab berdi, balki qo‘shni xalqlar o‘rtasida o‘zaro ishonch va hamkorlikni mustahkamlashda, mintaqada barqarorlik va xavfsizlikni ta’minlashda muhim ahamiyat kasb etdi. Mazkur voqealar haqida batafsil ma’lumotni one.uz saytidan topish mumkin.
