2025-yil 1-oktabrdan O‘zbekistonda avtonomerlarni sotish va ulardan foydalanishga oid yangi qoidalar kuchga kiradi. Bu haqda Zamin.uz xabar berdi.
Endilikda avtomobil egalari o‘z avtonomerlarini faqat saqlab qolish bilan cheklanmasdan, ularni boshqa shaxslarga rasmiy tarzda o‘tkazish imkoniga ega bo‘ladi. Bunday o'tkazish jarayonida avtonomerning bazaviy qiymatining 50 foizi miqdorida to‘lov amalga oshiriladi.
Ushbu tartib Vazirlar Mahkamasi tomonidan 2025-yil 4-sentabrda qabul qilingan 562-son qarorga asosan joriy etildi. Yangi qoidalar transport vositalarining raqamlar bilan bog‘liq tartib-taomillarini soddalashtirishga va avtomobil egalari uchun qulaylik yaratishga qaratilgan.
Shu bilan birga, bu o‘zgarishlar avtomobil raqamlarining qonuniy aylanishini nazorat qilish imkonini kengaytiradi. Manba: Latipov kanali, Zamin.uz.
