Yangi qonun bilan jarimalar muddati bir oyga qisqarildi

O‘zbekistonda yo‘l harakati xavfsizligini ta’minlash hamda haydovchilarning haqli e’tirozlarini inobatga olish maqsadida muhim qonunchilik o‘zgarishi amalga oshirildi. Bu haqda Zamin.uz xabar berdi.

Senat tomonidan ma’qullangan yangi qoidalarga ko‘ra, radar va foto-videofiksatsiya qurilmalari yordamida aniqlangan huquqbuzarliklar bo‘yicha jarimalar endilikda faqat bir oy ichida qo‘llanilishi mumkin. Avvalgi tartibda bunday jarimalarni belgilash muddati bir yilgacha cho‘zilishi mumkin edi.

Bu esa haydovchilar orasida norozilik va turli muammolarni keltirib chiqarardi. Yangi qonun bilan bu muddat tubdan qisqartirilib, bir oygacha belgilandi.

Senatorlarning ta’kidlashicha, ushbu islohot haydovchilarning ishonchini mustahkamlashga xizmat qiladi. Shuningdek, yangi qonunchilikda yo‘l harakati qoidalarining uncha jiddiy bo‘lmagan buzilishlari uchun jarima o‘rniga ma’muriy ogohlantirish berish tartibi joriy etildi.

Bu chora nafaqat adolatni ta’minlaydi, balki haydovchilarning mas’uliyatini oshirishga ham yordam beradi. Mazkur qonunchilik o‘zgarishi haydovchilar uchun qulaylik yaratish, tizimda shaffoflik va ishonchni oshirishga qaratilgan bo‘lib, yo‘llarda tartib va intizomni mustahkamlashda muhim ahamiyatga ega.

(Manba: zamin.uz)