O‘zbekiston va Polsha mehnat migratsiyasini rivojlantiradi

O‘zbekiston diplomatlari Polshaning "MW-WORKSERVICE" xususiy bandlik agentligi direktori Vitold Stanislav Ovcharchik bilan uchrashuv o‘tkazdilar. Bu haqda Zamin.uz xabar berdi.

Uchrashuvda O‘zbekistonda migratsiya sohasida olib borilayotgan islohotlar, qonunchilikni takomillashtirish, mehnat migrantlari manfaatlarini himoya qilish hamda ularning qonuniy mehnat faoliyati uchun yaratilayotgan sharoitlar haqida batafsil ma’lumot berildi. Vitold Stanislav Ovcharchik mamlakatimizdagi islohotlarning ahamiyatini yuqori baholadi va O‘zbekistondan ishchi kuchini jalb qilishga qiziqish bildirdi.

Tomonlar o‘zaro kelishuvga ko‘ra, pilot loyiha sifatida 232 nafar mutaxassis va ishchilarni Polshaga ishga jalb qilishni rejalashtirdilar. Ushbu hamkorlik ikki davlat o‘rtasidagi mehnat migratsiyasi sohasidagi munosabatlarni yanada rivojlantirishga xizmat qiladi.

Ma’lumot "Dunyo" axborot agentligi tomonidan taqdim etilgan.