Bekobodda xizmatkorlarga maosh yarim pul mukofoti berildi
Bekobod tumani hokimi Zaynilobiddin Nizomiddinov tuman hokimligida ishlovchi oddiy xizmatchilarni moddiy rag‘batlantirdi. Bu haqda Zamin.uz xabar berdi.
U kassir, farrosh, haydovchi, elektrik va kotibalarni bir oylik maoshining yarmigacha mukofotlashga qaror qildi. Bu qaror 3 oktyabr kuni imzolangan farmoyishda bayon etilgan.
Mukofot puli hokimning birinchi o‘rinbosari E. Imamov taqdim etgan bildirishnoma asosida ajratildi.
Mablag‘lar O‘zbekiston Respublikasining “Mahalliy davlat hokimiyati to‘g‘risida”gi qonunining oltinchi moddasiga hamda 2025 yil uchun tasdiqlangan xodimlarni moddiy rag‘batlantirish fondi doirasida ajratilgan. Hujjatda ko‘rsatilishicha, texnik va xizmat ko‘rsatish xodimlari 2025 yilning uchinchi choragida bajarilgan ishlar uchun bir oylik ish haqining 50 foizi miqdorida mukofotlanadi.
Zaynilobiddin Nizomiddinov avval Prezident administratsiyasi rahbari lavozimida faoliyat yuritgan va 2025 yil aprel oyida Bekobod tumani hokimi etib tayinlangan (manba: zamin.uz).
