O‘zbekiston aholisi 2025 yilda 38 milliondan oshdi
Milliy statistika qo‘mitasining ma’lumotlariga ko‘ra, 2025 yil 1 oktyabr holatiga O‘zbekiston aholisi 38 million 69 ming nafardan oshdi. Bu haqda Zamin.uz xabar berdi.
Bu ko‘rsatkich o‘tgan yilning shu davriga nisbatan 713,7 mingga yoki 1,9 foizga ko‘pdir. Aholining 19,1 millioni erkaklar, ya’ni 50,4 foizi, 18,9 millioni esa ayollar, ya’ni 49,6 foizni tashkil qiladi.
Shuningdek, aholining 51 foizi shaharlarda, 49 foizi esa qishloq joylarda istiqomat qiladi. Shahar aholisi soni 19,3 million, qishloq aholisi esa 18,6 millionni tashkil etmoqda.
Yil boshidan buyon mamlakatda 177 mingta nikoh qayd etilgan, 35,4 ming oila esa ajrashgan. Tashqi migratsiya bo‘yicha ma’lumotlarga ko‘ra, o‘tgan 9 oy ichida 1 133 kishi O‘zbekistonga ko‘chib kelgan, 7 585 kishi esa chet elga ko‘chib ketgan.
Mutaxassislar aholi o‘sishining barqaror iqtisodiy imkoniyatlar va ijtimoiy o‘zgarishlar bilan bog‘liq ekanini ta’kidlamoqda. Ushbu demografik ko‘rsatkichlar mamlakatdagi ijtimoiy jarayonlarning muhim ifodasi hisoblanadi.
(Manba: Milliy statistika qo‘mitasi)
