O‘zbekiston futbol assotsiatsiyasi (O‘FA) milliy terma jamoaning 2026 yilgi Jahon chempionatiga tayyorgarligini yanada yaxshilash maqsadida yangi tashabbusni amalga oshirdi. Bu haqda Zamin.uz xabar berdi.
Bu haqda tashkilot matbuot xizmati xabar berdi. Ma’lum qilinishicha, jamoa shtabiga Ispaniyadan tajribali bosh oshpaz va sport nutritsiologi jalb etilgan.
Ularning vazifasi futbolchilarning sog‘lom va muvozanatli ovqatlanishini ta’minlash, tiklanish jarayonlarini tezlashtirish hamda umumiy jismoniy tayyorgarlikni yaxshilashdan iborat. O‘FAning ma’lumotiga ko‘ra, ushbu dastur futbolchilar uchun individual ovqatlanish rejimini ishlab chiqishga qaratilgan.
Ratsion har bir futbolchining organizm ehtiyojlariga mos ravishda tuziladi. Bu esa o‘yinchilarning maydondagi chidamliligini oshirish, shuningdek, jismoniy tiklanish jarayonlarini tezlashtirish imkonini beradi.
Shuningdek, noyabr oyida O‘zbekiston milliy terma jamoasi Dubayda FIFA kunlari doirasida tashkil etiladigan xalqaro o‘rtoqlik turnirida ishtirok etadi. Turnirda O‘zbekiston, Eron, Misr va Kabo-Verde terma jamoalari o‘z imkoniyatlarini sinab ko‘radi.
Uchrashuvlar “Hazza bin Zayd” stadionida bo‘lib o‘tadi. Eslatib o‘tamiz, yaqinda O‘zbekiston terma jamoasining sobiq bosh murabbiyi Timur Kapadze lavozimini tark etgani haqida xabar berilgan edi.
Yangi mutaxassislarning jalb etilishi jamoaning tayyorgarlik darajasini oshirishi va 2026 yilgi Jahon chempionatiga yo‘l olish maqsadiga xizmat qilishi kutilmoqda.
