Toshkentda 18-noyabr kuni ayrim yo‘llar yopiladi
Toshkent shahar hokimligi axborot xizmatining ma’lum qilishicha, 18-noyabr kuni Davlat bayrog‘i qabul qilinganining 34 yilligi munosabati bilan poytaxt markazida Mudofaa vazirligi va Milliy gvardiyaning tantanali yurishlari o‘tkaziladi. Bu haqda Zamin.uz xabar berdi.
Shu sababli, ayrim ko‘chalarda avtotransport harakati vaqtincha cheklanadi. Bayramona tadbir davomida soat 15:00 dan 17:00 gacha quyidagi yo‘nalishlarda transport vositalari harakati to‘xtatiladi: - Sag‘bon ko‘chasi – Qoraqamish ko‘chasidan Kichik xalqa avtomobil yo‘ligacha; - Sag‘bon ko‘chasi – Kichik xalqa avtomobil yo‘lidan Nurafshon ko‘chasigacha; - Sag‘bon ko‘chasi – Nurafshon ko‘chasidan Farobiy ko‘chasigacha; - Zarqaynar ko‘chasi – Sag‘bon ko‘chasidan Alisher Navoiy ko‘chasigacha; - Furqat ko‘chasi – Zarqaynar ko‘chasidan Islom Karimov ko‘chasigacha; - Furqat ko‘chasi – Islom Karimov ko‘chasidan Beshyog‘och ko‘chasigacha.
Tadbir tashkilotchilari fuqarolardan ushbu vaqtda muqobil yo‘nalishlardan foydalanishni so‘rashmoqda. Haydovchilarga esa yo‘l harakati xavfsizligi qoidalariga qat’iy rioya qilish tavsiya etiladi.
Ma’lumot manbasi: poytaxt hokimligi axborot xizmati.
