Qirg‘izistonda gvardiya komandiri harbiy xizmatchilarni qurilishga majbur qilgani uchun qo‘lga olindi
Qirg‘izistonda Milliy gvardiya harbiy qismlarining birining komandiri lavozim vakolatidan suiiste’mol qilishda gumonlanib qo‘lga olindi. Bu haqda One.uz xabar beradi.
U o‘z qo‘l ostidagi harbiy xizmatchilarni shaxsiy uyi qurilishiga muntazam jalb qilganlikda ayblanmoqda. Bu haqda Qirg‘iziston Milliy xavfsizlik davlat qo‘mitasi 20 oktyabr kuni e’lon qildi.
Hodisa harbiy prokuratura bilan hamkorlikda aniqlangan. Qurilish ishlariga majburiy jalb Dastlabki ma’lumotlarga ko‘ra, komandir shartnoma asosida xizmat qilayotgan harbiylarni o‘z uyi qurilish ishlariga tortgan.
Ular orasida harbiy qismda sutkalik navbatchilikda bo‘lishi kerak bo‘lgan askarlar ham ishtirok etgan. Bu harbiy xizmatchilarning huquqlarini buzish va ularning vazifalarini bajarishiga xalaqit berish hisoblanadi.
Jinoyat ishi qo‘zg‘atildi Tekshiruv natijalari bo‘yicha to‘plangan materiallar harbiy prokuraturaga topshirilgan. Shu sababli Qirg‘iziston Jinoyat kodeksining 337-moddasi — «Lavozim vakolatini suiiste’mol qilish» bo‘yicha jinoyat ishi ochilgan.
Tergov jarayonida I.A. bosh harflari bilan belgilangan komandir qo‘lga olinib, Bishkek shahri ichki ishlar bosh boshqarmasining vaqtincha saqlash hibsxonasiga joylashtirilgan.
