2025 yilda nikohlar soni sentyabrda eng yuqori bo‘ldi
Milliy statistika qo‘mitasi ma’lumotlariga ko‘ra, 2025 yilning yanvar-sentyabr oylarida O‘zbekistonda jami 177 017 ta nikoh rasmiylashtirilgan. Bu haqda Zamin.uz xabar berdi.
Statistik tahlillarga ko‘ra, yil davomida nikohlar soni bosqichma-bosqich oshgan. Qish va bahor oylarida bu ko‘rsatkich nisbatan past bo‘lgan bo‘lsa, yozning oxiri va kuzning boshida sezilarli o‘sish kuzatilgan.
Oylar kesimida eng kam nikoh mart oyida qayd etilgan bo‘lib, bu davrda atigi 12 059 ta nikoh rasmiylashtirilgan. Yanvar oyida esa 17 837 ta, fevralda 13 938 ta, aprel oyida esa 15 764 ta nikoh tuzilgan.
May oyida bu ko‘rsatkich 17 556 tani, iyun oyida esa 18 121 tani tashkil etgan. Yoz oylaridan boshlab nikohlar soni ancha oshgan.
Xususan, iyul oyida 23 861 ta nikoh qayd etilgan bo‘lsa, avgust oyida bu ko‘rsatkich 27 304 taga yetgan. Eng yuqori ko‘rsatkich sentyabr oyida kuzatilgan bo‘lib, ushbu davrda 30 577 ta nikoh rasmiylashtirilgan.
Bu ma’lumotlar Milliy statistika qo‘mitasi hisobotida keltirilgan.
