O‘zbekistonda 22-fevralda iliq va quyoshli kun kutilmoqda
21-fevralda kuzatilgan nam va salqin ob-havodan so‘ng, 22-fevral kuni O‘zbekiston bo‘ylab osmon asosan ochiq bo‘lishi kutilmoqda. Bu haqda Zamin.uz xabar berdi.
Bunda yog‘ingarchilik deyarli kuzatilmaydi. Kunduzi quyoshning chiqishi bilan kayfiyat ham, havo harorati ham ko‘tariladi.
Aksariyat hududlarda havo harorati 10–20 daraja atrofida iliqlashadi. Bu shuni anglatadiki, qalin kiyimlardan asta-sekin voz kechish mumkin, ammo kechqurun va erta tongda salqinlikni inobatga olish kerak.
22-fevral kuni O‘zbekistonning turli viloyatlarida harorat quyidagicha bo‘ladi: Toshkent shahrida kunduz kuni havo harorati +16 darajaga, kechasi esa +4 darajaga yetadi. Toshkent viloyatining Angren hududida kunduzi +13, kechasi +3 daraja bo‘ladi.
Andijon viloyatida kunduzi havo +17 daraja, kechasi +2 daraja bo‘lishi kutilmoqda. Farg‘ona va Namangan viloyatlarida kunduzi harorat mos ravishda +16 va +17 daraja, kechasi esa +4 va +6 darajani tashkil etadi.
Samarqand va Jizzax viloyatlarida kunduzi havo harorati +17 va +18 daraja, kechasi esa +4 daraja atrofida bo‘ladi. Sirdaryo viloyatining Guliston shahrida kunduzi +17 daraja, kechasi +3 daraja kuzatiladi.
Buxoro va Navoiy viloyatlarida kunduzi +18 daraja, kechasi +4 daraja bo‘ladi. Qashqadaryo viloyatining Qarshi shahrida kunduzi harorat +20 daraja, kechasi +4 daraja bo‘ladi.
Surxondaryo viloyatining Termiz shahrida esa kunduzi havo +23 daraja, kechasi +8 daraja bo‘ladi. Xorazm viloyatining Urganch shahrida va Qoraqalpog‘iston Respublikasining Nukus shahrida kunduzi havo harorati +14 daraja, kechasi esa −1 daraja bo‘lishi kutilmoqda.
