O‘zbekistonda bahoriy ob-havo boshlanmoqda: quyoshli va iliq kunlar kutilmoqda
7 martdan boshlab O‘zbekistonda ob-havo "bahor rejimi"ga o‘tadi. Bu haqda Zamin.uz xabar berdi.
Ko‘pgina hududlarda quyoshli havo hukm suradi, ba’zi joylarda esa yengil tuman kuzatilishi mumkin. G‘arb va shimol taraflarda tong salqinroq bo‘ladi, ammo ba’zi hududlarda, ayniqsa Qoraqalpog‘istonda, qisqa muddatli yog‘ingarchilik yuz berishi ehtimoldan holi emas.
Toshkent shahrida harorat +5 dan +18°C gacha bo‘lib, kunduzi quyoshli, yengil tuman mavjud bo‘ladi. Toshkent viloyatining Nurafshon shahrida esa harorat +5 dan +16°C gacha bo‘lib, asosan quyoshli, kechqurun esa bulutlar paydo bo‘lishi mumkin.
Sirdaryo viloyatining Guliston shahrida harorat +5 dan +18°C gacha, kunduzi quyoshli, lekin kechga borib bulutlilik ortishi mumkin. Jizzaxda harorat +6 dan +17°C gacha bo‘lib, quyoshli va yengil tuman mavjud.
Samarqandda harorat +4 dan +16°C gacha, kunduzi quyoshli bo‘lsa-da, kechqurun bulutlar paydo bo‘lishi mumkin. Andijonda harorat +5 dan +17°C gacha bo‘lib, kunning ikkinchi yarmida bulutlilik ko‘payishi mumkin.
Farg‘onada harorat +5 dan +16°C gacha bo‘lib, asosan bulutli va biroz iliq bo‘ladi. Namanganda harorat +5 dan +17°C gacha, quyoshli va yengil tuman bilan kuzatiladi.
Buxoroda harorat +3 dan +17°C gacha, tong salqin, kunduzi iliq bo‘ladi. Navoiyda harorat +4 dan +16°C gacha bo‘lib, quyoshli va yengil tuman kuzatiladi.
Xorazmning Urganch shahrida harorat +1 dan +16°C gacha, tong juda salqin, kunduzi esa bulutli va iliq bo‘ladi. Qoraqalpog‘istonning Nukus shahrida harorat +2 dan +15°C gacha bo‘lib, kunning ayrim paytlarida qisqa yomg‘ir yoki jala ehtimoli bor.
Qashqadaryoning Qarshi shahrida harorat +6 dan +18°C gacha, quyoshli va kechga borib bulutlilik kuzatiladi. Surxondaryoda, xususan Termiz shahrida, harorat +9 dan +21°C gacha bo‘lib, mamlakatning eng iliq nuqtalaridan biri hisoblanadi.
Bu yerda ertalab salqin seziladi, ammo kunduzgi vaqtda "mayka kayfiyati" hukm suradi.
