Tottenhem Eze transferini 48 soat ichida yakunlaydi
Oldin ma’lum bo‘lishicha, «Kristal Pelas» jamoasining yarim himoyachisi Eberechi Eze «Tottenhem» klubiga o‘tishga yaqin turibdi. Bu haqida Euro-football.ru xabar berdi.
BBC Sport xabariga ko‘ra, «shporlar» rahbariyati ingliz futbolchisining transfer jarayonini tezlashtirishni rejalashtirmoqda. Manbaning ma’lumotiga ko‘ra, «Tottenhem» Ezening transferini keyingi 48 soat ichida yakunlashni maqsad qilgan.
Shu sababli, «Kristal Pelas» bosh murabbiyi Oliver Glasner yarim himoyachini ertangi «Chelsi»ga qarshi o‘yinda maydonga tushirmasligi kutilmoqda. Futbolchi o‘z jamoasini almashtirishga rozilik bildirgan.
«Shporlar» Eze bilan uning kelajakdagi shartnomasi shartlarini muhokama qilgan. O‘tgan mavsumda yarim himoyachi 43 ta o‘yinda 14 ta gol urib, 11 ta golga uzatma bergan.
Transfermarkt saytining bahosiga ko‘ra, Ezening qiymati 55 million yevroni tashkil etadi.
