Myunxenning "Bavariya" klubi Angliyaning "Chelsi" jamoasidan hujumchi Kristofer Nkunkuni sotib olishga qaror qildi. Bu haqida Euro-football.ru xabar berdi.
Asosiy maqsadlari "Shtutgart" klubining Nik Voltemade edi, ammo ushbu transfer yakunlanmadi. Mashhur jurnalist Fabrisio Romano xabariga ko‘ra, "Bavariya" endi Nkunkuni sotib olish bo‘yicha qat’iy niyatda.
27 yoshli fransiyalik futbolchi Myunxenda faoliyatini davom ettirishni xohlaydi va o‘tishga rozi ekanligini bildirgan. Hozircha klublar o‘rtasida rasmiy kelishuvga erishilmagan, ammo muzokaralar davom etmoqda.
Transfermarkt saytining bahosiga ko‘ra, Kristofer Nkunkuning qiymati 35 million yevroga teng. U Angliyaga ko‘chishidan oldin Germaniyaning "RB Leyptsig" klubida o‘ynagan.
Ushbu transfer amalga oshsa, Nkunku "Bavariya" jamoasining hujum chizig‘ini yanada kuchaytiradi. Klub rahbariyati va futbolchi o‘rtasidagi muzokaralar yaqin vaqt ichida ijobiy natija berishi kutilmoqda.
