Kafanov: Xudyakov katta darvozabon bo‘ladi

Rossiya terma jamoasi darvozabonlar murabbiyi Vitaliy Kafanov Avstriyaning Shturm klubida to‘p surayotgan Daniil Xudyakovning hozirgi holati haqida fikr bildirdi. Bu haqida Euro-football.ru xabar berdi.

Unga ko‘ra, moslashuv davri oson kechmayapti. Daniil yosh, har bir darvozabon katta o‘yinchiga aylanish uchun barcha bosqichlardan o‘tishi zarur.

Ushbu davrni sabr bilan o‘tkazib, kuchayishi kerak. Kafanovning so‘zlariga ko‘ra, u kelajakda katta darvozabon bo‘ladi, degan umidda.

Xudyakov o‘tgan yozda Shturm bilan to‘rt yillik shartnoma imzolagan. Shu vaqt ichida 21 yoshli rusiyalik futbolchi to‘rtta o‘yinda maydonga tushgan va ulardan ikki o‘yinida darvozasini daxlsiz saqlagan.

Iyul boshida velosipeddan yiqilgani sabab bilak suyagi singan va unga jarrohlik amaliyoti zarur bo‘lgan. Hozirda futbolchining sog‘ligi tiklanmoqda va u yaqin kelajakda maydonga qaytishi kutilmoqda.