UEFA rahbari rossiyalik jamoalarni chetlatishga qarshi
Yevropa Futbol Assotsiatsiyalari Ittifoqi prezidenti Aleksandr Cheferin Isroil jamoalarining xalqaro musobaqalardan chetlatilishiga qarshi chiqdi. Bu haqida Euro-football.ru xabar berdi.
U tashkilot rahbari sifatida Rossiyaga nisbatan Ukrainadagi harbiy harakatlar sabab joriy etilgan cheklovlar samarasiz ekanligini tan oldi. Cheferinning so‘zlariga ko‘ra, rossiyalik sportchilar uch yarim yildan beri musobaqalardan chetlatilgan, ammo Ukrainadagi urush to‘xtamagan.
Shu sababli sport va siyosat alohida bo‘lishi kerakligi ta’kidlandi. G‘azo sektorida Isroil harbiylari tomonidan tinch aholi ustidan o‘tkazilgan navbatdagi hujumda sobiq falastinlik futbolchi halok bo‘lgach, ba’zi tomonlar Isroilni Rossiyaga o‘xshab chetlatishni talab qildi.
Biroq Rossiya Futbol Ittifoqi vakillari sport siyosatdan mustaqil bo‘lishi lozimligini, Isroilga qarshi sanksiyalar o‘rniga Rossiyaga nisbatan cheklovlar olib tashlanishi kerakligini bildirdi. Umuman olganda, Cheferin sportni siyosiy qarorlar asosida cheklash noto‘g‘ri ekanini ta’kidladi.
