Jed Spens Angliya terma jamoasida ilk musulmon futbolchi
Londonning “Tottenhem” jamoasi himoyachisi Jed Spens Angliya terma jamoasiga taklif qilindi va u milliy jamoa tarkibidagi birinchi musulmon futbolchi bo‘ladi. Bu haqida Euro-football.ru xabar berdi.
Keyingi o‘yinlarda Tomas Tuxel boshchiligidagi jamoa Andorra hamda Serbiya terma jamoalariga qarshi 2026 yilgi jahon chempionati saralash bosqichida maydonga tushadi. Spens o‘zining terma jamoaga chaqirilishi haqida shunday dedi: “Taklifni olganimda juda hayratlandim, albatta bu men uchun katta quvonch.
O‘z his-tuyg‘ularimni so‘z bilan ifodalash qiyin. Bu men uchun nihoyatda muhim hodisa.
Allohga shukur, Alloh buyuk. Yosh futbolchilarga murojaat qilmoqchiman - men qilgan ishni sizlar ham uddalaysizlar.
Bu faqat musulmon bolalar uchun emas, balki barcha yoshdagi futbolchilar uchun ham amal qiladi”. Jed Spens o‘tgan yildan buyon “Tottenhem” jamoasida faoliyat yuritmoqda.
U o‘zining mehnati va mahorati bilan jamoaning muhim o‘yinchilaridan biriga aylangan. Terma jamoaga chaqirilishi uning professional faoliyatidagi muhim bosqich hisoblanadi.
Bu voqea yosh futbolchilar uchun ham namuna bo‘lib xizmat qiladi.
