Al-Nasr apellyatsiyasi qanoatlantirildi, ochkolar berildi
Saudiya Arabistonining futbol federatsiyasi «Al-Nasr» jamoasining «Al-Oruva»ga qarshi o‘tkazilgan o‘yindagi apellyatsiyasini qanoatlantirdi. Bu haqida Euro-football.ru xabar berdi.
Ushbu qaror natijasida Krishtianu Ronaldu o‘ynaydigan klub uch ochko qo‘lga kiritdi va 2025/26 yilgi Osiyo Chempionlar Ligasi musobaqasida ishtirok etish uchun kurashni davom ettirish imkoniga ega bo‘ldi. Dastlab, 28 fevral kuni o‘tkazilgan o‘yinda «Al-Nasr» jamoasi 1:2 hisobida mag‘lub bo‘lgan edi.
Biroq keyinchalik jamoa protest bildirdi. Ularning fikricha, raqib jamoaning darvozaboni Rafi Al-Ruvayli professional futbolchi sifatida ro‘yxatdan o‘tmaganligi sababli maydonga chiqish huquqiga ega emas edi.
Ushbu nizoli masala ko‘rib chiqilib, «Al-Oruva»ga texnik mag‘lubiyat berildi. Qo‘shilgan ochkolar «Al-Nasr» jamoasini musobaqa jadvalida uchinchi o‘ringa olib chiqdi.
Ular «Al-Qadsia»dan ikki ochko ko‘p, «Al-Hilol»dan esa ikki ochko kam to‘plagan. Ikkinchi o‘rin Osiyo Chempionlar Ligasi musobaqasida ishtirok etish huquqini beradi.
So‘nggi turda 26 may kuni «Al-Nasr» «Al-Fateh»ga qarshi o‘ynaydi, «Al-Hilol» esa «Al-Qadsia» bilan bahs olib boradi. Ushbu o‘yinlar natijasi musobaqaga yo‘llanmani aniqlaydi.
