Rays Angliya terma jamoasining yangi yulduzini maqtadi
Londonning Arsenal jamoasi yarim himoyachisi Deklan Rays Angliya terma jamoasining yangi a’zosi Elliot Andersonning o‘yiniga oid fikrlarini bildirib o‘tdi. Bu haqida Euro-football.ru xabar berdi.
22 yoshli futbolchi Nottingham Forest jamoasida o‘ynaydi va Angliya terma jamoasida birinchi marta 6 sentyabr kuni Andorra bilan o‘tkazilgan o‘yinda maydonga tushdi. Ushbu o‘yinda Angliya jamoasi 2:0 hisobida g‘alaba qozondi.
Uch kun o‘tib, u Serbiya terma jamoasiga qarshi o‘yinda ham asosiy tarkibda maydonga tushib, jamoasining 5:0 hisobidagi yirik g‘alabasiga yordam berdi. Deklan Rays BBCga bergan intervyusida Elliotning o‘yini juda oddiy va samarali kechayotganini ta’kidladi.
U terma jamoaga kelib, ikki yildan beri klubda namoyish etayotgan o‘yinini davom ettirmoqda. Raysning fikricha, Elliot terma jamoa uchun ajoyib qo‘shimcha bo‘lib, jamoada kuchli raqobat va yuqori darajadagi futbolchilar zarur.
Elliot Anderson Nottingham Forest jamoasi safida 45 o‘yinda maydonga tushib, 2 ta gol urgan va 7 ta golga uzatma bergan. Bu natijalar uning jamoaga foydali o‘yinchi ekanligini ko‘rsatadi.
