Jeymi Karrager Jedon Sanchoni tanqid qildi

Sobiq “Liverpul” himoyachisi Jeymi Karrager Jedon Sancho haqida fikr bildirdi. Bu haqida Euro-football.ru xabar berdi.

U hozirgacha Sanchoda alohida o‘yin ko‘rsatkichlarini ko‘rmayotganini ta’kidladi. Karrager Sancho Dortmundning “Borussiya” jamoasida o‘ynagan paytlarini eslab, ko‘plab muxlislar uni Angliya terma jamoasining kelajak yulduzi deb hisoblaganini aytdi.

Biroq u va hamkasbi Gari Nevill futbolchini ramziy jamoga kiritmagan, bu esa ijtimoiy tarmoqlarda munozaralarga sabab bo‘lgan. Mutaxassisning so‘zlariga ko‘ra, hozirgacha Sancho nimasi bilan boshqalaridan ajralib turishini tushunmaydi.

U Sanchoni yomon o‘yinchi deb hisoblamaydi, lekin uning o‘ziga xos jihatini aniqlay olmaydi. Shu bilan birga, Karrager Markus Resforda tanqidga qaramay, tezlik, to‘pga aniq zarba berish va standart vaziyatlarni bajarishda kuchli tomonlar borligini qayd etdi.

Eslatib o‘tish joizki, o‘tgan yozda Sancho “Manchester Yunayted”dan ijaraga “Aston Villa”ga o‘tgan. U 2021 yildan buyon Manchester klubida o‘ynab kelayotgan edi.