Kamerunlik darvozabon Andre Onana Angliyaning "Manchester Yunayted" klubidan Turkiyaning "Trabzonspor" klubiga ijaraga berildi. Bu haqida Euro-football.ru xabar berdi.
Ijaraga olish shartnomasi ikki klub o‘rtasida bir yil muddatga tuzildi. Onananing "Manchester Yunayted" bilan tuzgan shartnomasi 2028 yil yozigacha amal qiladi.
Transfermarkt portali uning qiymatini 25 million yevroga baholamoqda. 29 yoshli darvozabonning huquqlari 2023 yil yozidan beri Manchester klubiga tegishli.
Andre Onana professional faoliyatini "Ayaks" va Milanning "Inter" klublarida davom ettirgan. "Trabzonspor" jamoasi oxirgi marta 2022 yilda Turkiya chempioni bo‘lgan.
Hozirgi vaqtda klub Turkiya Superligasi turnir jadvalida ikkinchi o‘rinda turibdi. Joriy mavsumda "Trabzonspor" Yevropa kuboklarida ishtirok etmayapti.
