31 yoshli markaziy himoyachi Emerik Laport yana Bilbao shahrining «Atletik» klubi futbolchisi bo‘ldi. Bu haqida Euro-football.ru xabar berdi.
Bu haqda bask klubi matbuot xizmati ma’lum qildi. Himoyachi bilan tuzilgan shartnoma uch yilga mo‘ljallangan.
So‘nggi ikki mavsum davomida futbolchi Saudiya Arabistonida, «Al-Nasr» klubida o‘ynadi va u yerda Krishtianu Ronaldu bilan jamoada edi. 2018 yildan 2023 yilgacha u «Manchester Siti» klubida to‘p surdi va 120 dan ortiq o‘yinda maydonga tushdi.
«Atletik» jamoasida esa u 2010 yildan 2018 yilgacha, yoshlar tarkibidan boshlab faoliyat olib bordi. Joriy mavsumda «Atletik» UEFA Chempionlar ligasida ishtirok etadi.
Guruh bosqichining birinchi turida basklar o‘z maydonida, Bilbaoda Londonning «Arsenal» jamoasiga qarshi o‘ynaydi.
