Alehandro Gomes Kristian Romeroni alohida baholadi
Sobiq Argentina terma jamoasi futbolchisi Alehandro Gomes vatandoshi Kristian Romero o‘yini haqidagi taassurotlarini bildirib o‘tdi. Bu haqida Euro-football.ru xabar berdi.
Gomesning aytishicha, Romero juda noyob va ajoyib futbolchi bo‘lib, uning o‘yin uslubi boshqalaridan tubdan farq qiladi. U birinchi kundan boshlab jamoani hayratda qoldirgan.
Gomes Romero bilan hazillashishni yoqtirganini, o‘yindan oldin unga “Roma”ga qarshi o‘yinda Jeko seni o‘ynashga imkon qoldirmaydi, hatto to‘pga tegolmaysan”, deganini eslaydi. Romero esa “Ko‘ramiz”, deb javob bergan va natijada Jeko to‘pga tegmagan.
Xuddi shunday, “Inter”ga qarshi o‘yindan oldin Gomes Lukaku va Lautaroni ham shunday ta’riflagan, Romero esa “Men ularni ikkalasini ham yengaman”, deb javob bergan. O‘yinda ular ham to‘pga tegmagan.
Gomesning so‘zlariga ko‘ra, Kristian doimo qat’iyatli bo‘lgan va yillar o‘tishi bilan futbolchi sifatida yanada rivojlangan. Argentina futbolchilari “Atalanta” jamoasida birga o‘ynagan.
Hozirda Gomes “Padova” jamoasida faoliyat yuritmoqda, Romero esa “Tottenhem” klubida o‘ynaydi.
