Martinelli Eze va Madueke kelishidan xursandligini aytdi
Londonning “Arsenal” jamoasi qanot himoyachisi Gabriyel Martinelli o‘z klubidagi raqobat va yozda jamoaga qo‘shilgan yangi futbolchilar haqida fikr bildirdi. Bu haqida Euro-football.ru xabar berdi.
U “Arsenal”dagi vaziyatni milliy jamoaga o‘xshatdi. Agar menga Vinisius yoki Rodrigoni jamoada saqlash yaxshi emasmi, deb so‘rasangiz, men ha deb javob beraman.
Ular jamoaga sovrinlarni qo‘lga kiritishda yordam beradi. G‘alaba qozonishni istasak, sifatli o‘yinchilarga ehtiyoj bor.
“Arsenal” uchun ham shunday. Men Eze va Maduekening kelishidan juda xursandman, dedi Martinelli Mirror nashriga bergan intervyusida.
“Arsenal” Angliya Premer-ligasining uchinchi turidan so‘ng olti ochko to‘plab, peshqadamlar guruhida uchinchi o‘rinda bormoqda. Jamoa “Manchester Yunayted”ga 1:0, “Lids”ga 5:0 hisobida g‘alaba qozongan, ammo “Liverpul”ga 0:1 hisobida mag‘lub bo‘lgan.
13 sentabr, shanba kuni “Arsenal” o‘z maydonida “Nottingem Forest” jamoasiga qarshi o‘yin o‘tkazadi. Martinelli esa “Men butun umrimni “Arsenal”da o‘tkazishni xohlayman”, dedi.
