Lamin Yamal joriy mavsumdagi asosiy maqsadlarini aytdi
18 yoshli «Barselona» jamoasining qanot hujumchisi Lamin Yamal joriy mavsumda erishmoqchi bo‘lgan maqsadlari haqida so‘zlab berdi. Bu haqida Euro-football.ru xabar berdi.
Yosh ispaniyalik futbolchi o‘tgan mavsumda ajoyib natijalar ko‘rsatib, Hans-Diter Flik boshchiligidagi jamoaga Ispaniya ichidagi barcha uchta kubokni qo‘lga kiritishda yordam berdi. Yamalning so‘zlariga ko‘ra, uning asosiy maqsadi o‘z ustida ishlashni davom ettirish, jamoaga gollar va samarali uzatishlar bilan ko‘maklashishdir.
Shuningdek, u qatnashayotgan har bir turnirda g‘alaba uchun kurashishni istaydi. O‘tgan mavsumda futbolchi barcha musobaqalarda jami 18 ta gol urib, 25 ta golli pas berdi va 55 ta o‘yinda maydonga tushdi.
Hozirgi La Liga mavsumida esa u uchta o‘yinda ikki marta gol urdi va ikki marta assistentlik qildi. Lamin Yamal jamoasining muvaffaqiyatlari uchun o‘z hissasini qo‘shishda davom etishni maqsad qilgan.
