Marsin Bulka tizzasidan jarohat oldi
Polsha terma jamoasi darvozaboni Marsin Bulka jarohat oldi. Bu haqida Euro-football.ru xabar berdi.
Bu haqda Saudiya Arabistonidagi Neom klubi ijtimoiy tarmoqlarda ma’lum qildi. Klub matbuot xizmatining xabariga ko‘ra, tibbiy ko‘rik natijalari darvozabonning tizzasida jarohat borligini tasdiqladi.
Yaqin kunlarda u jarrohlik amaliyotidan o‘tadi va tiklanish jarayoniga kirishadi. Klub uni tez orada sog‘ayib ketishini tilamoqda.
Transfermarkt portali ma’lumotiga ko‘ra, Bulkaning old kesuvchi bog‘lamida yirtilish mavjud bo‘lib, uning sog‘ayishi iyulgacha cho‘zilishi mumkin. Avval u Parij Sen-Jermen, Kartaxena, Shatoru va Nitsa klublarida o‘ynagan.
Uning yozgi transferi Neom klubiga 15 million yevroga tushdi. Marsin Bulka jamoaga katta umid bilan qabul qilingan edi, shuning uchun uning jarohati jamoa uchun katta yo‘qotish hisoblanadi.
Klub rahbariyati va muxlislar unga tezda sog‘ayib, maydonga qaytishini tilamoqda.
