Barselona Yamalning jarohati bo‘yicha norozilik bildirdi

Hans-Diter Flik o‘tgan hafta Lamin Yamalning jarohati haqida gapirib, Ispaniya terma jamoasining harakatlaridan norozi ekanligini bildirdi. Bu haqda Euro-football.ru xabar berdi.

Flik Yamal maydonda nega shuncha ko‘p vaqt o‘ynaganini tushunmayapti, chunki terma jamoada uning sog‘lig‘idagi muammolar haqida ma’lumot bor edi. Ispaniyaning Sport nashriga ko‘ra, “Barselona” va Ispaniya terma jamoasining tibbiy shtablari o‘zaro axborot almashgan.

Milliy jamoa klublarga Yamalning og‘riqlari va mashg‘ulotni o‘tkazib yuborgani, shuningdek, noqulaylikni kamaytirish uchun inyeksiya olgani haqida ma’lumot bergan. Terma jamoa vakillari xabarlarida Yamalning maydonga qaytish qarorini o‘zi qabul qilishi ta’kidlangan.

Biroq “Barselona” bu holatdan norozi bo‘lib, qarorni tajribali shifokorlar qabul qilishi kerakligini aytmoqda. Ularning fikricha, 18 yoshli futbolchi o‘z jismoniy imkoniyatlarini to‘liq anglab yetmagan.

Hozircha faqat mo‘jiza Yamalning “Nyukasl”ga qarshi o‘yinida maydonga tushishiga imkon beradi.