Rimning "Roma" jamoasining hujumchi yarim himoyachisi Paulo Dibala joriy mavsumda to‘liq kuch bilan o‘ynay olmayapti. Bu haqda Euro-football.ru xabar berdi.
Avgust oyida Seriya A musobaqasidagi ikki o‘yin davomida zaxiradan maydonga tushgan argentinalik futbolchi "Torino"ga qarshi o‘yinda asosiy tarkibda maydonga tushdi, biroq o‘yinni yakunlay olmadi. Sky Sport Italia xabariga ko‘ra, Dibalaning son sohasida muammolari borligi sababli u Rim derbisida "Latsio"ga qarshi o‘yinda maydonga tushmaydi.
Shu bilan birga, "Volk"lar bosh murabbiyi Jan Piero Gasperini "Torino"ga qarshi o‘yindan keyin Dibalaning holati og‘ir emasligini va tashvishlanishga hojat yo‘qligini aytgandi. Biroq, vaziyat biroz murakkabroq ko‘rinmoqda.
Uch turdan so‘ng "Roma" jamoasi olti ochko to‘plab, musobaqa jadvalida beshinchi o‘rinni egallab turibdi.
